Vllaznia i beson elementit vendës të rritur në akademinë kuqeblu. Klubi Shkodra ka zyrtarizuar këtë të diel marrëveshjen me sulmuesin kryesor të ekipit U-19, Klajti Halili.
Një hap i rëndësishëm i hedhur nga drejtuesit pas kontratave të firmosura me Ersi Zaganjorin dhe Kevin Dodajn.
Halili ka firmosur për tre vjet, pra do të jetë pjesë e Vllaznisë deri në vitin 2027.
Klajti Halili gjatë sezonit që sapo u aktivizua në 25 ndeshje me ekipin U-19, duke shënuar 13 gola.
Në ndeshjen e fundit të Superiores, ndaj Skënderbeut, sulmuesi i ri pati mundësinë të ishte në fushë, madje edhe realizoi një gol, duke lënë menjëherë shenjë në ekipin e parë.
19-vjeçari në videon e prezantimit të tij si lojtari më i ri i Vllaznisë është shprehur: “Këtë vit kam pasur fatin të stërvitem me një emër të madh si Vioresin
Sinani. Ëndrra dhe synimi im janë t’i ngjasoj sadopak atij”.
