Maqedonia e Veriut nesër (19:00) luan në Rijekë ndeshjen e parë miqësore nga dy që i ka në qershor.
Kundërshtar e ka Kroacinë, nga Top 5 skuadrat më të mira në botë.
Selektori i Maqedonisë s[ Veriut, Blagoja Milevski, tregon për pritshmëritë ndaj kroatëve.
“Pres një ndeshje të mirë dhe ndaj një ekipi që ka fituar të bronztën në kampionatin e fundit botëror.
Ne duam të kontrollojmë të gjithë lojtarët, për të parë se te kush mund të mbështetemi në të ardhmen.
Jemi në fund të sezonit, por ajo që shoh ditët e fundit është se të gjithë janë në disponim për të dhënë më të mirën.
Kur luan për vendin tënd, duhet të jesh në maksimumin, kështu do të jetë gjithmonë. Është e domosdoshme që të shohim se ku jemi, në cilin drejtim dhe çfarë duhet të rregullojmë para ciklit të shtatorit”, tha mes të tjera Milevski.
