Para provës me Estonisë të martën në mbrëmje (20:15), të gjithë sytë janë në ofensivë: Kush do ta fitojë besimin e sulmuesve nga selektori i Zvicrës, Murat Yakin? Kush do të hyjë në skuadrën përfundimtare të Kampionatit Evropian?
“Selektori i Zvicrës nuk dëshiron të eksperimentojë shumë në mbrojtje, të paktën në formacionin startues, në ndeshjen e parë miqësore nga dy para Kampionatit.
Sonte përballen në Luzern me Estoninë.
Cili mund të zërë vendin e qendërsulmuesit Embolo në startin e Kampionatit Evropian të Zvicrës kundër Hungarisë më 15 qershor.
Hajdari, Bislimi dhe Zeqiri në prag
Ka pyetje pa përgjigje jo vetëm në sulm. Qëllimi i Yakinit është të plotësojë çdo pozicion me nga dy.
Kandidatë të tjerë të lëkundur janë dy mesfushorët ofensivë Fabian Rieder dhe Filip Ugrinic.
Në mbrojtje, biletën nuk e kanë siguruar ende mbrojtësit Cedric Zesiger, Leonidas Stergiou dhe Kevin Mbabu.
Dhe mesfushori Ardon Jashari gjithashtu duhet të bind që Yakin ta çojë në Kampionatin Evropian.
Gjërat pritet të jenë të ngushta për dy lojtarët e Luganos, Albian Hajdari dhe Uran Bislimi. Veçanërisht nominimi i Hajdarit do të ishte një befasi e madhe.
Sipas Yakin, të dy duhet të lëvizin. Andi Zeqiri, qendërsulmuesi i Genkut tashmë ndodhet në Luzern.
Megjithatë, ai ka luajtur 83 minuta për klubin e tij të dielën. A do të arrijë në Kampionatin Evropian? E diskutueshme”, ka shkruar mes të tjera mediumi zviceran “Blick”.
