Për Conte, ai është i patransferueshëm, por në Francë vazhdojnë të flasin me ngulm rreth Khvicha Kvaratskhelia.
Më konkretisht, gjeorgjiani shihet te PSG si trashëgimtari dinjitoz i Mbappè. “L’Equipe” shkruan për këtë sërish, me detaje të mëtejshme mbi marrëveshjen e mundshme mes dy klubeve, italian dhe parizien.
Vetë lojtari gjeorgjian, lexojmë, tashmë ka folur me Luis Enrique. Agjenti ka tashmë në xhep marrëveshjen financiare me PSG-në. Me Napolin, kujtojmë se kontrata i skadon në vitin 2027 dhe ende nuk ka marrëveshje për rinovimin e saj.
Sipas medias në fjalë franceze, Khvicha Kvaratskhelia është prioriteti i Luis Enrique dhe Luis Campos për krahun e majtë sezonin e ardhshëm. Ky përkufizohet edhe si “negocimi më i vështirë i verës pariziene”. Gjeorgjiani tashmë ka dhënë miratimin e tij dhe në Paris shpresojnë të gjejnë një zgjidhje pa pasur nevojë të shpenzojnë një çmim të lartë për kartonin. Një eventualitet i cili, duke e njohur De Laurentiis, duket mjaft i largët.
Nuk do të jetë e lehtë as të bindet lojtari që të përqafojë sërish kauzën axurre, por të gjithë e dinë se Conte ka aftësi të mëdha bindëse. Ai do të përpiqet t’i bindë lojtarët kryesorë të skuadrës napoletane të mos lëvizin.
Kthimi i tij në Itali është “grusht shteti” i presidentit De Laurentiis, veçanërisht tani që publiku futbolldashësh italian është i lirë nga emrat e mëdhenj të pankinave.
Me largimin e Allegrit, Mourinhos, Sarrit dhe Piolit, vetëm Conte do të jetë në gjendje ta gjallërojë Serie A, edhe përtej lojës në fushë.
