Harry Redknapp ka pohuar se Kylian Mbappe është “vite dritë larg” nga niveli i Lionel Messi dhe Cristiano Ronaldo përpara Euro 2024.
Mbappe më në fund ka bërë lëvizjen e tij të shumëpritur te Real Madrid pasi Los Blancos zyrtarizuan gjithçka të hënën.
Megjithatë, ish-trajneri legjendar i Premier League, Harry Redknapp, ka pohuar se 25-vjeçari nuk është në të njëjtin nivel me Cristiano Ronaldo dhe Lionel Messi, të cilët kanë arritur shifra të çmendura gjatë 15 viteve të fundit.
Ai gjithashtu zbuloi se sulmuesi anglez, Harry Kane, ka mbështetjen e tij për të fituar çmimin Lojtarin e Turneut përpara Mbappe në Kampionatin Europian në Gjermani.
Duke folur për BetVictor, Redknapp tha: “Kylian Mbappe është një talent i vërtetë, por kur bëhet fjalë për Lojtarin e Turneut, unë do të preferoja të mbaja anën e një prej lojtarëve të Anglisë.
“Mbappe ka ulje-ngritje. Ai mund të jetë lojtari më i mirë në fushë në një ndeshje, por mund të mos shihni asgjë prej tij në tjetrën.
“Ai është një lojtar i madh, por unë ende nuk do ta vendosja atë në të njëjtin nivel me Lionel Messin dhe Cristiano Ronaldon. Ai është vite dritë larg të qenit ajo që ata të dy kanë qenë për 15 vitet e fundit.
“Unë mund ta kuptoj pse ai është i preferuari për çmimin e Lojtarit të Turneut, por do të preferoja të mbështesja një nga lojtarët e Anglisë si Harry Kane, Jude Bellingham dhe Phil Foden”.
