Pronari i Manchester City, Khaldoon al-Mubarak, ka pretenduar se rregullat e futura gjatë 12 muajve të fundit do ta bëjnë Premier League më pak konkurruese. Ai bën thirrje për më shumë “ndjeshmëri në rregullim”.
Komentet e Mubarak u bënë në një intervistë zyrtare të klubit, përpara se të dilnin lajmet për sfidën ligjore të City kundër Premier League, e cila përqendrohet në rregullat e transaksioneve të palëve (APT).
Rregullat e APT-së rregullojnë mënyrën se si klubet kryejnë marrëveshje sponsorizimi ose të ardhurash me palët që lidhen me pronësinë e tyre. Në shkurt, klubet votuan për miratimin e rregullave më të ashpra në lidhje me çmimin e tyre. Një gjykatë e pavarur do të shqyrtojë rastin javën e ardhshme.
Në rishikimin e tij vjetor të fundit të sezonit, Mubarak u pyet për ndikimin e rregulloreve të tilla financiare. Ai tha: “Nuk do të shihni të njëjtin nivel konkurrence si në vitet e fundit për shkak të ndryshimit të rregulloreve që kanë hyrë në fuqi gjatë 12 muajve.
Premier League arriti këtu ku është sot duke qenë liga më konkurruese. Kështu që unë shpresoj të ketë ka pak më shumë ndjeshmëri në modifikimin e rregullave. Gjithmonë një qasje e ekuilibruar është e mirë nga të gjitha ligat, qoftë në Angli apo në pjesën tjetër të Evropës.”
Manchester City është pjesë e “City Football Group”, një organizatë me 12 klube. Mubarak është i shqetësuar se rregulloret e tjera të dakorduara po parandalojnë huazimet dhe shkëmbimet e lojtarëve, të cilat ‘CFG’ i bën lehtë midis klubeve nën ombrellën e saj.
Ai tha: “Ka pasur gjithashtu shumë kufizime të vendosura tani për shkëmbimet dhe huazimet, kështu që edhe kjo tani është bërë shumë më e ndërlikuar. Mendoj se niveli i manovrimit më parë i lejonte skuadrat të bënin atë që ishin në gjendje të bënin në të kaluarën. Ky proces është shumë më i kufizuar këtë vit dhe kjo do të reflektohet, besoj, këtë verë”.
Manchester City përballet me 115 akuza për shkelje të dyshuara të rregullave në lidhje me “fair play financiar”, teksa gjyqi i shumëpritur për këtë do të zhvillohet në nëntor. Klubi mohon të gjitha keqbërjet dhe, në rishikimin e tij, Mubarak shprehu zhgënjimin me këtë rast që përmendet sa herë që City gëzon sukses:
“Unë mendoj se referenca është gjithmonë zhgënjyese, duke parë mënyrën se si po flitet. Ndjej që baza e tifozëve tanë dhe të gjithë të lidhur me klubin iu referohen vazhdimisht këtyre akuzave.
Ne si klub duhet të respektojmë një proces hetimi që duhet ta kalojmë. Po zgjat më shumë se sa shpresonte dikush, por është ashtu siç është. E kam përsëritur gjithmonë: le të gjykohemi nga faktet dhe jo pretendimet e kundërpaditë”.
