Federata Shqiptare e Futbollit njoftoi javë më parë se për ndeshjen e parë të Kombëtares në finalet e Evropianit, kundër Italisë, në Dortmund, u ka dërguar ftesë të gjithë ish-lojtarëve të përfaqësues që kanë dhënë kontribut qoftë një minutë në ndeshjet zyrtare.
Për ta, institucioni i futbollit ka rezervuar vendet në stadium, një mënyrë e gjetur kjo për t’i falënderuar për kontributin që kanë dhënë për Kombëtaren.
Për këtë iniciativë mjaft domethënëse të FSHF-së, ka reaguar ish-mesfushori kuqezi, Burim Kukeli, pjesë e formacionit të De Biasit në Euro 2026, që u zhvillua në Francë.
“Dua të bëj një falënderim për Federatën Shqiptare të Futbollit për ftesën që na ka bërë neve, ish-futbollistëve, që të jemi në finalet e Europianit. Veçanërisht presidentin Duka, që na ka mundësuar që ta mbështesim nga afër Kombëtaren.
Ndihem i nderuar dhe ju falënderoj nga zemra për këtë mundësi dhe ju uroj shumë shumë suksese. Forca Shqipëria!
Kujtojmë që Burim Kukeli ka dhënë kontribut për fanellën kuqezi në periudhën 2012-2017, duke zbritur 27 herë në fushë.
