Ilkay Gundogan do të vazhdojë të jetë futbollist i Barcelonës.
Kështu raporton mediumi spanjoll, Marca.
Mesfushori gjerman dëshiron të vazhdojë të paktën edhe për një vit, deri në skadimin e kontratës së tij.
Gundogan erdhi vitin e kaluar, por që nuk arriti të ambientohet sa duhet dhe klubi në përgjithësi nuk pati sukses.
Megjithatë, kjo mund të ndryshojë, pasi që sezonin tjetër Gundogan do ta ketë trajner bashkëkombasi i tij, Hansi Flick.
Aktualisht, Gundogan është i fokusuar te Gjermania dhe Kampionati Evropian që nis javën e ardhshme.
