Sot bëhen gjashtë vjet nga vdekja e legjendës së futbollit dhe ish-presidentit të Federatës së Futbollit të Kosovës, Fadil Vokrrit.
Fadil Vokrri ndërroi jetë në mënyrë tragjike më 9 qershor të vitit 2018, pas një sulmi në zemër. U nda nga jeta në moshën 57-vjeçare, por vlerësohet se në kohën sa ishte kryetar i Federatës së Futbollit të Kosovës ka vënë themelet e forta të futbollit kosovar.
E legjenda Vokrri u kujtua nga tifozeria “Dardanët”.
“Legjenda nuk vdes kurrë. Ai është inspirimi ynë. Ai është udhërrëfyesi ynë. Ai është Fadil Vokrri. Përgjithmonë në zemrat dhe kujtimet tona. Legends never die”, shkruhej në postimin e tyre.
