Një sezon i mbyllur jo ashtu siç pritej për Tiranën, por në ekipin bardheblu ka nisur revolucioni.
Duke filluar nga stafi drejtues, trajneri dhe largimet e shumta, Tirana po ndryshon fytyrë për sezonin e ardhshëm.
Teksa së fundmi, klubi kryeqytetas ka zyrtarizuar edhe fanellën për sezonin e ardhshëm.
Sigurisht që ngjyrat bardheblu nuk kishin si të mungonin. Por ajo ç’ka bie në sy është “Kulla e Sahatit” të Tiranës e vendosur poshtë logos së ekipit.
Dy figurat e përzgjedhura për prezantimin e fanellës së re ishin portieri Gentian Selmani dhe Rimal Haxhiu po ashtu edhe tifozë. Dy lojtarë që mesa duket do të jenë pjesë e Tiranës edhe sezonin e ardhshëm.
