Klubet nga Arabia Saudite vazhdojnë të mbajnë fokusin e merkatos në Europë.
Së fundmi nga mediet spanjolle raportohet se te Real Madrid janë alarmuar, pasi Al-Nassr është shumë i interesuar për një nga titullarët e skuadrës së Carlo Ancelotti-t.
Klubi ku luan Cristiano Ronaldo dëshiron që sezonin e ardhshëm të ketë në ekip një mbrojtës klasi siç është Antonio Rudiger.
Për të tunduar qendërmbrojtësin gjerman të Real-it, klubi saudit ka vendosur në tavolinë një pagë prej 100 milionë eurosh në katër sezone.
Në një situatë të tillë Rudiger do të duhet të vendos mes qëndrimit te madrilenët për më shumë trofe e lavdi apo do t’i dorëzohet rrogës faraonike që Al-Nassr është gati t’ia dhurojë.
