Dinamo e Ferizajt ka rikthyer sërish tandemin e trajnerëve, Burim Çerkinin e Fatos Ademin, të cilët ia dhanë shkëlqimin në vitet e kaluara, që e ngriten në Ligën e Dytë e pastaj në Ligën e Parë të Kosovës në futboll.
Dhe largimi i tyre për një kohë të shkurtër, Dinamo nuk ishte në binarët e rezultateve të vjeshtës së kaluar kur ishin lider në Ligën e parë të Kosovës, grupi A.
Rikthimi tyre shton optimizmin se Dinamo do të jetë edhe më e fuqishme në edicionin e ri 2024-2025, me pretendime elitën e futbollit.
“Rikthehen arkitektët e skuadrës, FC Dinamo.
Pas një periudhe pesë-mujore, me krenari njoftojmë rikthimin e trajnerit Burim Çerkini dhe trajnerit kondicional Fatos Ademi, dy figurave kyçe që projektuan skuadrën tonë që nga themelimi.
Me përvojën dhe eksperiencën e tyre, ata pritet të sjellin një frymë të re dhe strategji të avancuar për të përmirësuar performancën dhe arritjet tona.
Rikthimi i tyre është një hap i madh përpara për ekipin tonë, duke e çuar drejt sukseseve të reja.
Nga nesër, me projektin e tyre na presin surpriza të reja!”, njofton FC Dinamo.
