E kërkuan edhe dy vite më parë, por humbën garën me Romën dhe tani janë rikthyer sërish duke tentuar transferimin e tij.
Fjala është për Interin që po tenton transferimin e sulmuesit argjentinas Paulo Dybala.
E përditshmja italiane ‘Tuttosport’ ka raportuar se presidenti i Interit, Giuseppe Marotta e pëlqen shumë lojtarin dhe synon të nënshkruajë me të.
Dybala ende nuk ka vendosur nëse do të mbetet te Roma pasi Giallorosët nuk janë në Ligën e Kampionëve.
Ai ka një klauzolë largimi prej 12 milionë eurove, por kjo klauzolë vlen vetëm për skuadrat jashtë Serie A.
Gjithsesi Interi po tenton transferimin e tij, derisa mund të përfshihet në ofertë Davide Frattesi, një mesfushor që pëlqehet shumë nga Roma.
Dybala përfundimisht do të mësoj të ardhmen e tij brenda muajit qershor, nëse do të mbetet te Roma apo do të largohet nga Olimpico pas dy viteve fantastike që ka kaluar.
