Kylian Mbappe nuk po shkon në Evropian në gjendjen e tij më të mirë. Për këtë është i vetëdijshëm vetë futbollisti, por edhe stafi teknik francez, pas një përfundimi të ethshëm të sezonit, teksa pa t’i reduktoheshin në mënyrë drastike minutat, kryesisht në Ligue 1.
Kësaj duhet t’i shtojmë goditjen në gju që mori më 5 qershor kundër Luksemburgut, duke ngritur shumë pikëpyetje për formën e tij.
Të dielën e kaluar, Mbappé ishte zëvendësues në miqësoren e fundit të Francës para Evropianit, që përfundoi 0-0 kundër Kanadasë.
Ai nuk mori pjesë në stërvitjen para ndeshjes, të shtunën në Bordo, dhe Deschamps nuk donte të rrezikonte me lojtarin, pavarësisht se e hodhi në fushë në minutën e 77-të.
Griezmann dhe Thuram do të kenë më shumë detyra mbrojtëse, ndërsa Mbappe është projektuar për të pasur liri të plotë në lojën pa top.
Siç është parë në dy miqësoret e Francës, pavarësisht se ishte zëvendësues kundër Kanadasë, Franca luan për Mbappénë.
Pas një fundi të vështirë të sezonit, pasi njoftoi largimin e tij nga PSG-ja, ritmi i tij konkurrues ngre dyshime të mëdha, siç raportohet nga L’Équipe. .
Gazeta franceze thekson se, ndoshta Mbappe nuk do të jetë 100% gjatë fazës së grupeve. Mungesa e aftësisë fizike, mavijosja në gju në ndeshjen kundër Luksemburgut dhe problemet e shpinës hedhin dyshimë mbi formën e tij.
Megjithatë, roli i titullarit dhe rëndësia e tij te Franca, në Gjermani, nuk është dhe as do të jetë në pikëpyetje. Shanset që “Les Bleus” të bëhen kampionë, në një turne që nuk e kanë fituar prej 24 vitesh, varen nga këmbët e lojtarit të ardhshëm të Realit të Madridit.
