Përfaqësuesja polake shkon e gjymtuar në “Euro 2024” me probleme fizike që i kanë hequr një pas një sulmuesit e saj më të mirë. Fillimisht ishte Milik që u dëmtua në miqësore e humbi Europianin.
Më pas erdhën dëmtimet në miqësoren e të hënës ndaj Turqisë të Sviderskit dhe Levandovskit.
Dhe ky i fundit do të mungojë të paktën për ndeshjen e parë kundër Holandës.
Konfirmimi ka ardhur nga burime zyrtare të Federatës Polake të Futbollit, që ka shfaqur para mediave mjekun e ekipit, Jaçek Jarozeski, për të treguar situatën e kapitenit që është padyshim arma më e fortë e kësaj përfaqësueseje.
Pasi shpjegoi se Levandovski kishte pësuar një dëmtim në bicepsin femural.
“Sviderski dëmtoi kyçin e këmbës, sulmuesi do të qëndrojë jashtë për 3 ose 4 ditë.
Është një garë me kohën për të qenë i gatshëm për ndeshjen kundër Holandës.
Mendoj se lojtari i Veronës do të jetë i gatshëm, megjithatë, lajmi i keq vjen nga Robert Levandovski, i cili me siguri nuk do të jetë kundër Holandës”, deklaroi presidenti i Federatës Polake në një intervistë të dhënë së fundmi.
