I lindur në vitin 2005, “fantazisti” anglez i mesfushës, Kobi Mainoo është padyshim, një ndër “diamantët” e “Djajve” të Man. Junajtedit, me talentin 18-vjeçar, i cili po shkëlqen këtë sezon, nën drejtimin e teknikut, Erik ten Hag, mirëpo nuk pritet të mbesë gjatë nën urdhërat e tij.
Sipas raportimeve më të fundit, të mediave spanjolle, presidenti i “Galaktikëve”, të Real Madrid, Florentino Perez është vënë pas tij, me shpresën për të zëvendësuar siç duhet një prej “legjendave” të klubit, Luka Modriç e Toni Kroos, teksa pritet që anglezi t’i bashkohet “yjeve”, si Xhud Belingam, Eduardo Kamavinga, Aurelian Tçouameni e Federiko Valverde, në mesfushën e “Los Blancos”.
Negociata ende nuk kanë nisur mes klubeve, por pritet që Sir Jimmy Rattcliffe, mos ta lërë “diamantin” e tij të shkojë, teksa deri më tani këtë sezon, Mainoo ka zbritur plot 35 herë, në fushë për “Djajtë e Kuq”, dy prej këtyre paraqitjeve në Ligën e Kampionëve.
Teksa ka arritur të regjistrojë në total, 5 gola, tre në Premier Ligë, e dy të tjerë, në FA Cup, ndërsa ka asistuar edhe 3 rrjeta të tjera.
