Kryetrajneri i Llapit të Podujevës, Tahir Batatina e thotë me zemër për sulmuesin e larguar Muhamet Hyseni.
Batatina shpreh fjalë të mëdha për Hysenin dhe është i lumtur që ky futbollist do të vazhdojë karrierën në Danimarkë.
Megjithatë Llapi pa Hysenin nuk do të ketë fuqinë sulmuese.
“Faleminderit kampion, Muhamet Hyseni.
Në emër të klubit futbollistik KF Llapi dhe të gjithë ekipit, dua të të shpreh falenderimet tona më të sinqerta për kontributin tënd të jashtëzakonshëm gjatë kohës që ke qenë pjesë e jona.
Angazhimi yt, përkushtimi dhe talenti kanë qenë një shembull frymëzues për të gjithë klubin, kryesinë dhe për mua si trajner.
Transferimi yt tek AC Horsens është një arritje e madhe dhe një dëshmi e punës së palodhshme që kemi bërë për të arritur në këtë pikë.
Jam i bindur që do të shkëlqesh edhe në klubin e ri ashtu siç ke bërë me ne, dhe do të përfaqësosh KF Llapi me nder në arenën ndërkombëtare.
Të uroj gjithë të mirat në këtë kapitull të ri të karrierës tënde dhe të siguroj që do të kesh gjithmonë mbështetjen dhe respektin tonë të plotë.
Me respekt dhe mirënjohje të thellë”, ka shkruar Batatina në profilin e tij në facebook.
