Ferizaj e ka më së të qartë se çfarë e pret në elitën e futbollit të Kosovës.
Kryetrajneri Arsim Abazi synon të përforcohet sa më shumë për edicionin e ri.
Futbollisti që e nisi karrierën në Gjermani sot firmosi me FC Ferizajn.
Është fjala për Ardit Topalajn.
“Ardit Topalaj vishet kaltër e bardhë!
FC Ferizaj sot ka arritur të nënshkruaj marrëveshje me mbrojtësin e qendrës, Ardit Topalaj.
Arditi karrierën e ka filluar në Gjermani, tek grupmoshat e Ingolstadt, për të vazhduar në Garching, Eltersdorf dhe së fundmi në Türkgücü München.
Topalaj ka luajtur për 6 muaj edhe në Superligën e Kosovës, me skuadrën e Lirisë së Prizrenit.
FC Ferizaj të uron mirëseardhje, duke të dëshiruar suksese në edicionin garues në Superligë”,ka njoftuar FC Ferizaj.
