Kombëtarja shqiptare do të nisë më në fund rrugëtimin e saj në Euro 2024. Në “Signal Iduna Park” në orën 21:00, kuqezinjtë e Sylvinhos do të vihen përballë italianëve të Luciano Spallettit.
Një duel mjaft i rëndësishëm për rrugëtimin e kombëtares tonë në Kampionatin Europian, teksa përballë do të kenë Kampionat në fuqi. Por pavarësisht gjithçkaje, te tifozët ka shumë entuziazëm se do t’ia dalim të marrim një rezultat pozitiv dhe futbollistët të bëjnë një lojë të mirë.
Por statistikat fatkeqësisht nuk janë në anën tonë. Në 4 duele mes tyre, në kanë qenë miqësore dhe dy sfida të tjera janë luajtur në kuadër të kualifikueseve të Botërorit. Në të 4 përballjet, kuqezinjtë janë mposhtur nga “axurrët”, duke bërë që Italia të konsiderohet si “macja e zezë” e shqiptarëve.
Të gjithë tashmë kryqëzojmë gishtat që në sfidën e mbrëmjes së sotme të marrim pikët e para ndaj Italisë dhe të thyejmë “tersin” e “axurrëve”.
