Giovanni Di Lorenzo është një nga emrat më të lakuar të merkatos në Itali. Mbrojtësi i krahut të djathtë kërkon të largohet nga Napoli dhe të nisë një aventurë të re. Agjenti Di Lorenzos, Mario Giuffredi thekson se këtë vendim të lojtarit ia ka bërë të qartë edhe trajnerit të ri, Antonio Conte ndërsa shtoi se për momentin, italiani nuk është takuar me asnjë përfaqësues të Juventus, që prej kohësh kërkon me ngulm shërbimet e tij.
“Di Lorenzo ka folur edhe me Conten duke i shpjeguar arsyet se përse kërkon të ndahet me Napolin. Conte, u përpoq shumë ta bindë të qëndrojë te Napoli, por Di Lorenzo është gjithashtu shumë i bindur për një aventurë të re. Megjithatë, në futboll ashtu si edhe në jetë nuk i dihet kurrë.
Akord me Juventusin?
Jam i bindur se të gjitha këto thashetheme vijnë pasi në lojë është një shoqëri dhe klub i madh si Juventusi.
Mund t’ju garantoj se nuk kam biseduar me asnjë prej drejtuesve të Juventus, as unë dhe as vetë lojtari nuk kemi pasur kontakt me bardhezinjtë. Di Lorenzo mund të shkojë edhe në klube të tjera pasi nuk ekziston vetëm Juventusi”, u shpreh Giuffredi.
