Kombëtarja shqiptare do të luajë ndaj Italisë në orën 21:00. Në “Signal Iduna Park”, kuqezinjtë do të kërkojnë ta nisin mbarë rrugëtimin e tyre në Euro 2024, ku përballë do të kenë një nga ekipe pretendentë për të triumfuar dhe që janë kampionët në fuqi.
Kjo sfidë për shumë futbollistë shqiptarë është e veçantë.
Shumë prej tyre luajnë në Serie A dhe mbrëmjen e sotme me fanellën e Kombëtares do të sfidojnë “axurrët”. Por jo vetëm kaq, kjo sfidë mund të mbahet mend gjatë edhe nga futbollistë të tjerë, të cilët do të jenë në “lupën” e ekipeve “big” të Serie A.
Kështu vendimtare pritet të jetë ky takim për Armando Brojën dhe Mario Mitajn. Dyshja kuqezi kërkohen në Serie A dhe në këtë sfidë do të ketë zyrtarë të klubeve pëerkatëse për të parë nga afër talentëet shqiptarë. Siç dihet Milani është ekipi që synon Brojnë, ndërsa për Mitaj ka interes nga Juventusi, Lazio apo Bologna.
Shpresojmë që kjo përballje të jetë një vitrinë për Brojën, Mitajn dhe shumë futbollistë të tjerë. Mbetet të presim për të mësuar se çfarë do të rezervojnë 90-të minutat me Italinë dhe përballjet me Kroacinë dhe Spanjën për lojtarët e Kombëtares.
