Vetëm pak orë për para ndeshjes së parë për të dyja kombëtaret, Ronald Koeman ka vendosur që ta nxehë atmosferën dhe t’i bëjë presion sulmuesit të Polonisë, Robert Lewandowski.
Ky i fundit nuk dihet ende nëse do t’ia dalë që të rikuperohet në kohë për ndeshjen e parë, pasi është dëmtuar, por Koeman ka vendosur që t’i fusë “shkopinj” nën rrota. Trajneri i kombëtares së Holandës ka dhënë një intervistë për spanjollët e “Mundo Deportivo”, ku kritikon hapur transferimin e sulmuesit polak nga ana e Barcelonës. Në fakt nuk e bën në mënyrë të drejtë, por duke sulmuesi drejtuesit e katalanasve. Ai në fakt që në vitin 2022 ka kritikuar këtë lëvizje.
“Unë në fakt nuk e kisha për Levandovskin, por më shumë për klubin katalanas që transferon një lojtar me një moshë të konsiderueshme. U shpenzuan shumë para për një lojtar të tillë, ndërkohë që dihej që skuadra kishte probleme ekonomike. Duhet të analizohej mirë dhe me detaje një lëvizje e tillë. Ndoshta duhet që të afroheshin lojtarë me të ardhme.
Në opinionin tim është e gabuar që të transferosh dikë 35-vjeç, ndërkohë që periudha më e mirë e një lojtari është në moshën 26-vjeçare.
Është e çuditshme të shpenzosh lojtarë me lojtarë veteranë, për më tepër kur nuk ke para. Megjithatë ai është lojtar i rëndësishëm dhe goleador në kombëtaren e tij. Të shohim në rast se do të luajë, por këtë e mësojmë vetëm përpara ndeshjes”, thotë Kuman.
Tani do t’i duhet Levandovskit që të rikuperohet në kohë, edhe pse e ka shumë të vështirë dhe t’i përgjigjet trajnerit të Holandës në fushën e lojës.
“Kam folur me të për shumë tema dhe është i lumtur te Barcelona. Nuk kërkon të largohet.
Mirëpo, dëmtimet e kanë penalizuar shumë nivelin e tij.
Nuk ishte në 100% për të luajtur kundër PSG-së dhe Realit në ndeshjet e fundit të sezonit. Donte kohë për t’u rikuperuar, por ata rrezikuan duke e zbritur në fushë dhe kështu humbi Europianin”, përfundoi Kuman. Holanda do të debutojë ditën e nesërme në Europian kundër Polonisë.
