Mbrëmjen e djeshme stadiumi "Signal Iduna Park" u “vesh” kuqezi. Mijëra shqiptarë morën pjesë në ndeshjen Itali-Shqipëri, ku Shqipëria nuk arriti të siguronte fitore.
E nuk kishte se si dhe në këtë ndeshje të mungonin dhe pankartat “pikante”, ku disa duket se nuk janë pëlqyer nga Greqia.
Një pankartë e shfaqu në shkallët e stadiumit nga një shqiptar që është cilësuar si provokim i madh nga mediat greke.
“Historia e Shqipërisë së Madhe u shfaq në mënyrën më provokuese dhe të hapur në margjinat e ndeshjes së vendit fqinj me Italinë për Euro 2024.
Një tifoz i vendit fqinj ka shëtitur rrugëve të Dortmundit me një pankartë që tregonte territoret e Shqipërisë së Madhe, ku përfshiheshin Korfuzi, Janina, Grevena dhe Follorina”, shkruan Protothema.
Kombëtarja e Shqipërisë ka humbur 2 me 1 ndeshjen e parë në Euro 2024 kundër Italisë. Gjithçka u vendos në pjesën e parë. Ishte Bajrami që tundi rrjetën për Shqipërinë pas 23 sekondave lojë. Italia reagoi shpejt, pasi përmbysi me golat e Bastonit dhe Barellas.
