Zlatko Daliç do të drejtojë kombëtaren e Kroacisë kundër Shqipërisë në Kampionatin Evropian, ndeshja luhet (15.00) në Hamburg më 19 qershor.
Selektori i kombëtares kroate ka një lidhje të fortë edhe me futbollin shqiptar, pasi që në verën e vitit 2008, ai mori detyrën si trajner, duke drejtuar Dinamon e Tiranës.
Për ta marrë në Zagreb kishte ardhur presidenti i klubit, sipërmarrësi i fuqishëm shqiptar Besnik Sulaj, i cili ishte edhe mysafir i presidentit të atëhershëm të Republikës së Kroacisë, Stipe Mesiq, shkruan media kroate “Veçernj List”.
Interesant është fakti se dy vite më parë Daliç dhe Varteksi u eliminuan nga KF Tirana në raundin e parë preliminar të Kupës UEFA, 1:1, 0:2.
Daliç ka një moment interesant kur refuzoi Mirosllav Çiro Bllazheviqin që drejtonte kombëtaren e Bonjës dhe Hercegovinën në vitin 2008.
Këtë e bëri për shkak të shqiptarëve, pra Dinamos së Tiranës.
“Ajo punë (në Bosnje dhe Hercegovinë) do të ishte një sfidë e madhe për mua, dhe të punoja me Çiron dhe në ekipin kombëtar, do të ishte një nder i madh.
Dhe unë e kisha atë ofertë (nga Shqipëria) dhe mund të them se janë shumë para”, tha Daliq për Veçernj list” në vitin 2008.
