Ditën e djeshme UEFA ka shkurtuar listën e kundërshtarëve të mundshëm të Partizanit.
50 skuadrat pjesëmarrëse në raundin e parë të Ligës së Konferencës janë ndarë në pesë grupe me nga dy vazo: favoritët dhe jofavoritët.
Partizani, që ndodhet në vazon e favoritëve do të mësojë sot se me cilin do të përballet mes skuadrave të Torpedo, Aktobe, Marsakslok, Mornar dhe Talina Kalev. Kazakët e Aktobe dhe bjellorusët e Torpedos shihen si kundërshtarë për t’u shmangur nga “demat”, teksa rialët më të përshtatshëm do të ishin maltezët e Marsakslok apo malazezët e Mornar për shkak të forcës së ekipeve, por edhe afërsisë gjeografike.
Edhe me estonezët e Talinës të kuqtë kanë diferenca në favor. Shorti hidhet sot në orën 16:00 në selinë e UEFA-s në Nion të Zvicrës. Ndeshjet luhen më 11 dhe 18 korrik.
