Tirana dhe Vllaznia do të marrin pjesë në raundin e parë kualifikues së Ligës së Konferencës.
Shorti për të mësuar kundërshtarët do të hidhet ditën e sotme në orën 16:00, ndërsa dje UEFA i ka ndarë skuadrat në grupe për të thjeshtuar procesin e shortit.TIRANA – Për bardheblutë shorti rezervon disa ekstreme.
Si fillim Tirana mund të udhëtojë drejt Gjeorgjisë së largët, aty ku mund të përballet me Torpedo Kudaisin. Më pas Noah në Armeni apo Isloch në Bjellorusi.
Tri pika të largëta për bardheblutë. Nga ana tjetër, Tirana mund të udhëtojë edhe këtu pranë. Si fillim në Malishevë me vendësit në Kosovës apo sërish në Mostar, por këtë herë ndaj Velezh Mostarit.
VLLAZNIA – Kuqeblutë do ta kenë jo të vështirë. Shkodranët do të përballen me një nga skuadrat Siauliai të Lituanisë, NK Bravo Slloveni, FK Auda e Letonisë, UNA Strassen Luksemburg ose Valur Reykjavik i Islandës. Edhe shkodranët mund të kapin ndonjë udhëtim jashtë kontinentit. Të shohim se çfarë do të ndodhë.
Të dy ekipet vjet patën fate të ndryshme. Tirana eliminoi Dinamo Batumin, ndërsa Vllaznia u eliminua nga Linfilldi.
