Zvicra është gati për dy ndeshjet e fundit ndaj Turqisë dhe Azerbajxhanit në kuadër të kualifikimit për Kampionatin Evropian (femrat).
Trajnerja e kombëtares, Pia Sundhage ka ftuar katër lojtare të rikthehen në skuadër në krahasim me majin.
Dy lojtarë do të jenë për herë të parë pjesë e kampit të Kombëtares së femrave.
Amira Arfaoui (1. FC Nürnberg), rekordmenja e kombëtares, Ana-Maria Crnogorcevic (Atletico Madrid) dhe Noelle Maritz (Aston Villa) kthehen në kombëtare pasi mungojnë në ndeshjet kundër Hungarisë. Po kështu edhe Sydney Schertenleib, e cila së fundmi njoftoi transferimin e saj në FC Barcelona.
Është e para për dy lojtare: Leila Wandeler (Olympique Lyon) ishte pjesë e ekipit kombëtar U-17 në vitin 2023 dhe bëri debutimin e saj në ekipin e parë të Lyon sezonin e kaluar. Caterina Regazzoni (Northwestern Wildcats) bëri hapin nga FC Zurich në futbollin e kolegjit amerikan dy vjet më parë. Në listë nuk është futbollistja shqiptare Riola Xhemaili. Zvicra do të përballet me Turqinë (12 korrik) dhe Azerbajxhanin (16 korrik).
