Futbollisti Ermin Imamoviç i bashkohet klubit të Ferizajt, që synon pjesën e epërm të tabelës në Superligën e Kosovës.
Ferizaj po përforcon radhët që të jetë sa më i kompletuar për edicionin e ri 2024-2025.
“FC Ferizaj sot ka kompletuar transferimin e mbrojtësit boshnjak, Ermin Imamoviç.
Imamoviç së fundmi u paraqit në Mal të Zi me skuadrën e FK Jezero. Kurse më herët ka qenë pjesë e Hajduk Split II, CSKA Moscow II, Velez Mostar dhe FK Olimpik.
Vlen të theksohet se Imamoviç sezonin e fundit është shpallur lojtari më i mirë i huaj në Ligën e Malit të Zi.
FC Ferizaj do të vazhdojë të jetë aktive në afatin kalimtar”, njofton FC Ferizaj.
