Kombëtarja e Zvicrës e eliminoi sot Italinë në raundin e 16-të të Kampionatit Evropian Euro 2024.
Zvicra shënoi fitore me rezultat solid 2:0 kundër Italisë në stadiumin “Olympiastadion” të Berlinit, për ta siguruar biletën drejt çerekfinales së Euro 2024.
Pas ndeshjes për mediat foli sulmuesi i Zvicrës, Breel Embolo, i cili e cilësoi fitoren e sotme si të merituar.
“Jam i lumtur dhe krenar dhe mendoj se fitorja është e merituar. Ne e merituam të fitonim kundër një ekipi të vështirë për të luajtur. Ishim kompakt dhe krijuam raste. Bëmë një lojë vërtet të mirë dhe shënuam në momentin e duhur. Jam vërtet krenar për ekipin dhe stafin dhe për të gjithë vendin”, tha Embolo.
