Skuadra e Qëndrim Kidës e cila për dy javë ishte në Maqedoninë e Veriut, tashmë është rikthyer në Malishevë.
Ohri ishte vendi ku bardhekaltërit u stërvitën për të qenë sa më të përgatitur në garat ndërkombëtare, ku malishevasit janë pjesë e Ligës së Konferencës.
Gjatë dy javësh, Malisheva luajti dy ndeshje miqësore, ku nuk arriti asnjë fitore, duke humbur nga Tikvesh me rezultatin 3-2 dhe barazuar me Ballkanin 2-2.
Me 11 korrik, në stadiumin Zahir Pajaziti në Podujevë, me fillim nga ora 17:00, Malisheva pret skuadrën e Buduçnostit.
