Jurgen Bardhi është lojtari më i ri i Umraniyespor në Turqi.
Mesfushori me tipare sulmuese ishte i lirë, pasi i përfundoi kontrata me Keciorengucun.
Kështu Bardhi mbetet po në ligën e parë, që është e dyta për nga niveli në Turqi. Umraniyespor ka nisur revolucion me këtë merkato, ndërsa Bardhi është transferimi i parë.
Kontrata e firmosur është 1-vjeçare me të drejtën e rinovimit dhe për një tjetër. Bardhi u lidh dhe me një rikthim të mundshëm te Partizani.
Kjo alternativë do të realizohej për 26-vjeçarin, në rast se nuk do të kishte akord jashtë Shqipërisë. Firma e tij me Umraniyespor është e befasishme, ndërsa tashmë fokusi është te sezoni i ri.
