Flamurtari i Prishtinës ka emëruar kryetrajnerin e ri për edicionin 2024-2025.
Skuadra kuqezi i ka besuar Faruk Statovcit.
Flamurtari ka synime rikthimin në elitë.
Statovci së fundi e ka udhëhequr skuadrën Phoniex.
“Faruk Statovci – timonier i ri i Flamurtarit! Klubi Futbollistik Flamurtari komunikon arritjen e bashkëpunimit me Faruk Statovcin për sezonin vijues.
Emërimi i Statovcit si shef i shtabit teknik vjen si proces i nismës së projektit për rikthimin e klubit në nivelet më të larta sportive dhe puna e suksesshme ndër vite është vlerësuesi më i mirë për teknikun Statovci.
Fillimi i fazës përgatitore në fillim të javës që po vjen shënon edhe fillimin e etapës së Statovcit në klub.
Të gjithë në KF Flamurtari i urojnë mirëseardhje Statovcit dhe stafit të tij, duke u dëshiruar njëherit shumë suksese”, ka njoftuar FC Flamurtari.
