Sulmuesi më i mirë i Ligës së Dytë të Kosovës, Bleon Shaqiri, i bashkohet Tefik Çangës nga Tërni.
Shaqiri ka luajtur për Mitrovicën në edicionin e kaluar.
Ky është një përforcim i madh për skuadrën e Tefik Çangës, e cila garon në ligën e dytë.
“Kemi kënaqësinë të komunikojmë zyrtarizimin e përforcimit të radhës, bomberit të Ligës së Dytë të Kosovës, Bleon Shaqiri.
Futbollisti ynë i ri tani e tutje do të rrugëtojë me ne pas një kampionati fantastik që kishte duke qenë top golashënuesi i ligës me 29 gola të shënuara.
Ardhja e tij si kampion nga FC Mitrovica, është një vlerë e madhe për skuadrën tonë dhe pasqyron më së miri objektivat që kemi në këtë kampionat”, njofton KF Tefik Çanga.
