I shkaktoi eliminimin nga Europiani, tifozët gjermanë shpërthejnë kundër arbitrit për rastin e penalltisë!
Menjëherë pas fishkëllimës së fundit pati një diskutim në internet dhe shumë tifozëve të Gjermanisë ishin “ndezur”. Ja çfarë shkruajnë në platformën sociale “X”: “Gjermania është grabitur.
A mund të më japë dikush një arsye pse nuk ishte një lojë me dorë?
Këta gjyqtarë anglezë po e prishin futbollin. Qesharake dhe patetike!” Një tjetër fanse ka postuar një foto të arbitrit Entoni Tejlor, ndërsa me sarkazëm shkruan: “Njeriu i ndeshjes”.
Konkretisht Xhamal Musiala goditi topin në adresim të portës spanjolle, por gjeti dorën e zgjatur të Kukurelës. Kryesori Tejlori nuk pati asnjë moment hezitimi për të parë në “VAR” apo komunikuar me asistentë, duke e lënë lojën të vijojë, sikur të mos kishte ndodhur asgjë.
Nuk dihet nëse UEFA do të marrë sanksione kundrejt tij, pas kësaj skene e konsideruar si e turpshme nga tifozë të shumtë gjermanë.
