Futbollistët e Borcit të Banjallukës do të ndeshen me kampionin e Shqipërisë, Egnatia nga Rrogozhina.
Ndeshja luhet nesër në Banjallukë të Bosnjës, nga ora 21:00 në kuadër të xhiros së parë të kualifikueseve për Champions League.
Skuadra serbe i druhet kampionit shqiptar.
“Klubi u ka kërkuar tifozëve që të mos hedhin objekte në fushë dhe të mos përdorin mjete piroteknike.
Ata theksuan se përdorimi i dronëve është rreptësishtë i ndaluar, dhe çdo shkelje e rregullave i nënshtrohet sanksioneve të rrepta të UEFA-s me pezullimin e mundshëm të një pjese të tribunave apo të gjithë stadiumit për ndeshjet e ardhshme evropiane.
Borci u bëri thirrje tifozëve që të brohorasin për sport dhe me zemër, pa diskriminim në baza racore dhe kombëtare”, shkruan mediumi “Monda.ba”.
