Alvaro Morata u godit aksidentalisht në këmbën e djathtë nga një roje sigurie pas fitores së Spanjës ndaj Francës, por objektivi i Milanit thotë se ndihet mirë këtë mëngjes dhe bën shaka se sigurimi e meritonte një “karton të verdhë”.
Spanja e Moratas u kualifikua për në finalen e Euro 2024 të martën pasi mposhti Francën 2:1, por pati një frikë për kapitenin e La Rojas, i cili u godit aksidentalisht nga një roje sigurie që po përpiqej të ndalonte një person që kishte hyrë në fushë.
Morata foli shkurtimisht për “Marca” mëngjesin e së mërkurës, duke këmbëngulur se ndihet mirë.
This can’t keep happening. It’s a disgrace, UEFA need to control it so much better. Somebody will get seriously hurt. 🤦♂️ #Euro2024 #Morata pic.twitter.com/Dp5KgEvq5h
— Ned Ozkasim (@nedoz9) July 9, 2024
Morata gjithashtu bëri shaka për incidentin, duke thënë se roja i sigurisë meritonte një karton të verdhë.
Morata është shfaqur si objektivi kryesor i Milanit për sulmin këtë verë dhe sipas “Gazzettas”, kuqezinjtë janë gati të paguajnë klauzolën e tij prej 13 milionë eurosh dhe të ofrojnë një kontratë katër milionë euro në vit deri në vitin 2027.
