Sipas shtypit spanjoll, Barcelona hodhi poshtë një propozim të PSG-së me vlerë 250 milionë euro për Lamine Yamal, para fillimit të Euro 2024.
Kjo ofertë, e cila do të thyente rekordin e transferimit më të shtrenjtë në botë, duke kaluar pikërisht atë të Neymar nga katalanasit te parizienët, as që u mor në konsideratë nga Deco, drejtori sportiv i “Blaugranave”.
Yamal, që po zhvillon një Europian fantastik (autor i një goli spektakolar ndaj Francës), është e ardhmja e klubit dhe, për rrjedhojë, konsiderohet i pashitshëm.
Sulmuesi anësor ka kontratë deri në vitin 2026, e cila do të zgjatet edhe për dy sezone të tjera kur të mbushë 18 vjeç dhe gjithashtu ka një klauzolë lirimi prej një miliard eurosh.
