Futbollisti Fiton Hajdari i bashkohet skuadrës së Lirisë së Prizrenit.
Lajmi bëhet i ditur nga klubi me renome Liria.
Prizrenasit synojnë që të rikthehen në elitën e futbollit të Kosovës.
“Sulmit të FC Liria po i shtohet përvoja dhe historia e futbollit tonë.
Kemi nderin të zyrtarizojmë Fiton Hajdarin si prurjen më të re në ekip.
Hajdari, i cili luan kryesisht në krahët e sulmit, sjell me vete një karrierë të gjatë dhe të suksesshme, duke spikatur momentet si kampion me KF Hysi në sezonin 2010/11, kampion me Trepçën 89 në sezonin 2016/17, si dhe goli i parë në histori të kualifikimeve për Evropë për ndonjë ekip nga Kosova, goli i barazimit në ndeshjen kundër ekipit nga Ishujt Faroe, Vikingur, në kohën kur vishte fanellën e Trepçës 89.
Përveç Hysit dhe Trepçës 89, Hajdari ka djersitur edhe fanellën e Llapit, Trepçës, Malishevës, Gjilanit, si dhe së fundmi të Ferronikelit 74”, njofton KF Liria.
