Sirena angleze për Kristjan Asllanin

Futboll

Sirena angleze për Kristjan Asllanin

Më: 13 korrik 2024 Në ora: 12:26
Kristjan Asllani

Shanset për largimin e Kristjan Asllanit nga Interi rriten gjithnjë e më shumë.

Ndryshe nga sezoni i vjetshëm, këtë vit Asllani ka gjetur më shumë minuta, por kjo pasi zikaltërit e kishin ‘siguruar’ kampionatin 2 muaj para.

Zgjedhje e dytë pas Hakan Calhanoglut, mesfushori shqiptar e zëvëndësoi denjësisht turkun sa herë iu dha rasti. E sërish nuk mund të fitonte më shumë minuta se kaq duke mbetur thjeshtë një alternativë. Me afrimin e Zielinskit reduktohen akoma më shumë shanset.

Dy vite si zikaltër dhe e njëjta histori, ndërsa komplimentat dhe elozhet nga trajneri Inzaghi mbeten thjeshtë fjalë boshe si një ‘fërkim shpatullave’ për t’i mbyllur gojën. Një aventurë e re duket ‘çliruese’ për të teksa në Itali shtohen gjithnjë e më shumë zërat për të paktën një huazim këtë verë.

Për shqiptarin ka interes nga shumë skuadra italiane që e duan në huazim, por sirenat angleze vijojnë të bien për të. Aston Villa e ka nën vëzhgim prej muajsh dhe së fundmi i është bashkuar edhe West Ham.

Të dy klubet kanë kapacitetet t'i plotësojnë të gjitha kërkesat si Interit ashtu edhe Asllanit e mbetet të shihet nëse do të ketë një lëvizje.

comment Për komente lëvizni më poshtë
Sot mund të lexoni Shfletoni kopertinat