Flamurtari vijon punën për përforcimin e skuadrës për sezonin e ri.
Objektivi nuk ndryshon, titulli kampion është e vetmja rrugë për vlonjatët.
Drejtuesit kanë hyrë herët në merkato duke sjellë disa përforcime të rëndësishme, rinovime apo edhe largime lojtarësh.
Dy të fundit që largohen janë Erjon Vucaj dhe Ermal Vitija.
Futbollistët nuk kanë gjetur gjuhën e përbashkët me klubin për rinovimin e kontratës dhe largohen si lojtarë të lirë në treg. Për Vucajn ka interesim nga klube shqiptare, ndërsa Vitija do të rikthehet në Kosovë.
Flamurtari po formohet dita-ditës dhe hapi i rradhës i rëndësishëm është emërimi i trajnerit të ri që sipas gjasave pritet të jetë Andrea Agostinelli.
