Lazio i ka komunikuar Elseid Hysajt se nuk e ka më në plane për sezonin e ri. Klubi kryeqytetas po i nënshtrohet një revolucioni në skuadër dhe shumë prej futbollistëve aktualë po largohen edhe pse janë ende nën kontratë.
Elseid Hysaj është një prej tyre me mbrojtësin e Kombëtares shqiptare që ka marrë dritën jeshile nga drejtuesit për të gjetur ekipin e ri dhe se nuk do të kërkojnë ndonjë tarifë kompensimi për kartonin.
Lazio e ka zëvëndësuar që tani me Nuno Tavares nga Arsenal i cili firmosi dje për 5 sezonet e ardhshme.
E ardhmja e Hysajt pritet të jetë në Lindjen e Mesme, aty ku ekipet nga Arabia Saudite e Katari janë gati ta kënaqin ekonomikisht.
