Nevojitet një përforcim në prapavijë dhe në orët e fundit Milani është në kërkim të marrëveshjes me Strahinja Pavloviçin, mbrojtësin serb të Salcburgut që ra në sy për vlerat e tij edhe në kampionatin e fundit europian.
Kuqezinjtë janë në kërkim të një marrëveshjeje me lojtarin përpara se të flasin me klubin, ndaj kanë takuar edhe menaxherin. Gjatë këtyre ditëve është folur shumë për interesimin e Milanit për serbin e lindur në vitin 2001, por ai nuk do të ishte emri i vetëm në listën e kuqezinjve përsa i përket qendrës së mbrojtjes.
Në fakt, sipas asaj që u raportua nga “footmercato.net”, pasi e ndoqi tashmë në dimër, Milani po mendon edhe për ZhanKler Todibo, i cili ka një kontratë me Nisën në 2027.
“Djalli”, megjithatë, nuk do të ishte skuadra e vetme në gjurmët e ish-lojtarit të Barcelonës, duke qenë se Juventus është interesuar gjithashtu. Megjithatë, kjo është pak shqetësuese për Milanin, i cili përpara se të jetë në gjendje të paguajë për Todibon, planifikon të shesë njërin mes Tomorit ose Çaut.
