Kontrata e Romelu Lukakut me Chelsean ka një klauzolë prej 44 milionë eurosh, por raportet e shumta thonë se Napoli është i bindur se do ta përfundojë marrëveshjen për rreth 25 milionë euro.
Lukaku është trashëgimtari i emëruar i fronit të Victor Osimhen në “Stadio Maradona” dhe Napoli ka intensifikuar bisedimet me Paris Saint-Germain për shitjen e yllit nigerian.
Nuk është sekret se Lukaku është prioriteti i Antonio Contes për të zëvendësuar Osimhen në Napoli dhe sipas “Corriere dello Sport” dhe “Gazzetta”, Napoli është i bindur se do të nënshkruajë me reprezentuesin belg për rreth 25 milionë euro.
“Gazzetta” fillimisht e dha lajmin të martën dhe “Corriere dello Sport” e konfirmoi atë sot, duke shtuar se Napoli tashmë ka një parim marrëveshjeje me Chelsean.
Është befasuese duke qenë se Lukaku ka një klauzolë prej 44 milionë euro në kontratën e tij me Chelsean, ku është rikthyer pas huazimit një-vjeçar te Roma.
Lukaku ka shënuar 70 gola në 129 paraqitje në Serie A dhe 64 në 95 ndeshje në të gjitha garat me Interin nën drejtimin e Contes.
