Xherdan Shaqiri ka befasuar të gjithë me vendimin e tij të hënën që e lamë, duke u dorëhequr nga kombëtarja e Zvicrës.
Emrat e mëdhenj flasin me krenari për Xherdan Shaqirin.
IJohan Djourou (37), ish-shoku i skuadrës së kombëtares me Shaqirin, për mediumin zviceran “Blick” ka deklaruar:
“Xherdan është një monument i futbollit zviceran. Ai kishte cilësi të jashtëzakonshme.
Ai është një artist që formësoi historinë e futbollit zviceran me golat e tij spektakolar. Ai ishte gjithashtu një personalitet i madh: një djalë gjithmonë i motivuar dhe pozitiv. Kam disa kujtime të veçanta me të. Unë do të kujtoj Kupën e Botës 2014 kur ai shënoi het-trik kundër Hondurasit.
Ky vetëmohim, kjo sakrificë, duke i bërë gjërat e ndërlikuara të duken të lehta. Ai me të vërtetë e kishte atë në vete. Ai asnjëherë nuk ishte i kënaqur dhe gjithmonë na ka befasuar. P.ër shembull me golin, me goditje gërshërë ndaj Polonisë””.
Peter Knäbel (57), ish-shefi i të rinjve të FC Baselit, ka thënë: ““Kjo tregon se sa i gjithanshëm ishte.
Si trajner i të rinjve, ju ndjeni një krenari për këtë. Ai ka ruajtur paparashikueshmërinë gjatë gjithë karrierës. Dhe po ashtu popullaritetin enorm te fëmijët. Xherdani ka familje të shkëlqyer.
Babai i tij, që është i mirë dhe me zemër të madhe si Xherdani, erdhi vetëm një herë tek unë për t’u ‘ankuar’. Ai më pyeti se kur Xherdani do të bëhet shtetas i Zvicrës, që të mund të luaj për përfaqësuese”.
Bernhard Heusler (60), ish-president i FC Baselit, ka deklaruar mes të tjera: “Më kujtohet kampi stërvitor në Celerina në vitin 2009, kur Xherdan ishte i ri në ekipin e parë të FC Baselit. Ne pamë një lojë stërvitore kur ai ‘hante’ kundërshtarët e tij çdo herë”.
Kubilay Turkyilmaz, ka thënë: “Disa prej golave të tij janë jashtëzakonisht spektakolarë.
Është mëkat që i ka shënuar vetëm 32 në 125 ndeshje. Unë i kisha 34 në 62 ndeshje. Golat e tij ishin më të mirë.
Për fat të keq asnjëherë nuk e shfaqi gjithë talentin e jashtëzakonshëm.
Të gjitha klubet e panë gjenialitetin e tij dhe ishin të dëshpëruara pasi ai këtë asnjëherë nuk e solli plotësisht në fushë. Pos te Stoke City, ku ishte lider absolut, ai asnjëherë nuk e kishte këtë tek Interi, Liverpooli e Bayerni.
Do të na mungojë shumë në përfaqësuese. Largimi i tij do të sjell bilanc në zhveshtore, pasi dikush që gjithnjë ka ambicie për të luajtur nga fillimi, nuk është më aty".
Marco Streller (43), ish-shoku i skuadrës në FC Baselin, tha: “Me Shaqirin, një nga më të mëdhenjtë në vendin tonë po largohet nga kombëtarja. Të gjithë e kanë pëlqyer dhe e pëlqejnë akoma. Për çfarë mbahet mend?
Ai shënoi shumë gola të mrekullueshëm. Pika kryesore më e fundit është sigurisht goli kundër Skocisë.
E dija tashmë nga vrapimi i Shaqirit se ai do ta godiste topin. Ai ka këtë teknikë të pabesueshme gjuajtjeje. Goli më i rëndësishëm padyshim ishte goditja gërshërë ndaj Polonisë. Është njëra nga golat më të bukur ndonjëherë në një finale të Kampionatit Evropian".
