Liga e Dytë e Kosovës pritet të jetë më interesante në edicionin 2024-2025.
Disa skuadra po përforcohen, ndër ta edhe Tefik Çanga e Tërnit, fshat nga komuna e Ferizajt.
Kryetrajneri Sherif Topalli ka aspiratat e qarta, synojnë hyrjen në Ligën e Parë të Kosovës.
Përforcimi me portierin Edison Rexhepi, i ka rritur dukshëm oreksin të klubi nga Tërni.
“Jemi shumë të lumtur ta konfirmojmë arritjen e dakordit me gardianin e ri të skuadrës tonë Edison Rexhepi.
Përvoja dhe paraqitjet e tija fantastike në ekipet ku ai ishte pjesë janë shumë të rëndësishme për t’i dhënë siguri edhe më shumë skuadrës.
Portieri 24 vjeçar vjen si nënkampion i Ligës së Parë nga FC Dinamo dhe do të jetë një faktor i rëndësishëm për klubin tonë drejtë qëllimeve që i kemi”, njofton KF Tefik Çanga.
Kjo skuadër ka pas rezultate të mira në edicionin e kaluar, duke përfunduar në vend të pestë me 45 pikë të mbledhura.
