Shkëndija e Tetovës të enjten përballë FC Noah synojnë përmbysjen e negativë 0:2 nga ndeshja e parë e eliminatoreve të UEFA Europa Conference League.
Një javë pasi u mundëm në Abovyan të Armenisë, futbollistët e Shkëndijës të enjten në Shkup shkojnë për fitore të paktën me dy gola diferencë për të kompensuar humbjen 2:0 në ndeshjen e parë me FC Noah. Stadiumi “Todor Proeski” pret ndeshjen e kthimit të xhiros së parë eliminatore të UEFA Europa Conference League.
Kuqezinjtë gjithë javën kanë punuar për këtë përballje, me përparësinë që tashmë njohim mirë rivalin dhe ekipi ka të qartë me çka duhet përballur.
Realisht negativa 2:0 na vëndon në vështirësi, por gjithsesi për Shkëndijën fitorja do të ishte objektiv edhe në çfardoqoftë situate tjetër.
Ekipi duket i gatshëm për të dhënë më të mirën dhe me mbështetjen e publikut besohet në një përmbysje që do të na dërgojë në raundin e dytë të eliminatoreve të UEFA Conference League.
FC Noah në ndeshjen e parë tregoi cilësi individuale, por ndryshimet e shumta në skuadër lënë shenjë në komponimin e lojtarëve. Gjithsesi ata vijnë me epërsi prej dy golave dhe kuqezinjtë tanë duhet të qasen me seriozitet maksimal ndeshjes së nesërme.
Zija Merxhani mbetet sërish jashtë pasi nuk ka mundur të rikuperohet në kohë për ndeshjen e kthimit. Ibrahim Alhassan nuk është regjistruar akoma, derisa në kombinim do të jetë sulmuesi Daouda Karamoko Bamba, mirëpo aktivizimi i tij do të varet nga gjendja fizike.
Dueli Shkëndija-FC Noah luhet të enjten me fillim në orën 20:00 në stadiumin “Todor Proeski” në Shkup.
