Adrien Rabiot është larguar përfundimisht nga Juventusi.
Lajmin e ka bërë të ditur vetë skuadra italiane përmes rrjeteve sociale, duke e falënderuar lojtarin për kontributin e dhënë.
Kështu, Rabiot largohet nga Juventusi si futbollist i lirë, pasi nuk e vazhdoi kontratën.
Mesfushori francez tani është “lojtar i lirë” dhe kanë nisur spekulimet për klubin e ri.
Janë disa skuadra të cilat kanë hyrë në garë për shërbimet e francezit.
Liverpooli, Manchester Unitedi, Newcastle Unitedi, Milani dhe Napoli janë të interesuara.
29-vjeçari ishte transferuar te Juventusi gjatë vitit 2019 nga Paris Saint-Germain si “lojtar i lirë”. Ai po ashtu ishte pjesë e Francës në Euro 2024.
