Publikohen formacionet zyrtare të ndeshjes ndaj Torpedo Kutaisi!
Tirana kërkon që të çojë në fund sot punën e lënë në gjysmë në transfertën e turit të parë të Ligës së Konferencës ndaj Torpedo Kutaisi në Gjeorgji.
Skuadra bardheblu nuk shihej si favorite në këtë përballje, por me atë që shfaqi në ndeshjen e parë, ka pretendime reale për të vazhduar më tej në sfidën që zhvillohet sot në “Elbasan Arena”.
Barazimi 1-1, por sidomos raste e shumta që krijuan bardheblutë në pjesën e dytë përballe gjeorgjianëve, i kanë dhënë të drejtë ekipit të Shkëmbit që të kërkojë afrimin në Europë e kalimin në raundin tjetër të Ligës së Konferencës, që do të ndihmonin klubin në një situatë jo pak të komplikuar financiare.
