Presidenti i Benfica-s, Manuel Rui Costa konfirmoi ditët e fundit se Angel Di Maria ka nënshkruar me Benfikën, duke i dhënë fund telenovelës në lidhje me mundësitë e ardhshme të asit argjentinas.
Pavarësisht moshës së tij, në fakt, argjentinasi kishte disa klube te interesuara dhe oferta, edhe pse Rosario Central, përveç vetë Benfikës, ishte në rreshtin e parë për t’u akorduar me të.
Në fund, duket se çështja e sigurisë mund të ketë rënduar edhe në vendimin për të mos u kthyer atje ku filloi gjithçka. Guvernatori i provincës Santa Fé (ku Rosario është qyteti më i populluar), Gonzalo Belloso, e trajtoi çështjen dhe pranoi se vendimi i lojtarit për të mos u kthyer në Argjentinë për arsye sigurie ishte “i dhimbshëm”, por ai nënvizoi se në provinca ka protokolle për të garantuar mbrojtjen e personazheve publike:
“A ka mjaftueshëm mbrojtje? Unë them se po, të gjithë kanë mbrojtje. Por ne duhet të pranojmë që ka një protokoll, që stili juaj i jetesës të mos jetë i zakonshëm nëse jeni kaq i njohur dhe që dikush mund të jetë në qendër të tensioneve, në këtë rast me tifozët e futbollit”.
“Është e vërtetë që mund të kërcënohemi”, – vazhdon Belloso – “por ne e dimë se nëse respektojmë protokollin e sigurisë të vendosur, në këtë rast nga Ministria e Sigurisë, kushtet tona të mbrojtjes do të plotësohen.
Unë e kam sepse jam personi më i kërcënuar në vend nga organizatat kriminale, Prokurori Publik e ka dhe është në dispozicion edhe për çdo person publik që dëshiron të jetojë këtu, si për shembull një sportist i nivelit të lartë”.
Megjithatë, le të mos përhapet mesazhi se Rosario është më i rrezikshëm se qytetet e tjera: “Në Shtetet e Bashkuara për pak sa nuk vranë një ish-president, le të shohim se çfarë ka ndodhur tashmë në Madrid apo Izrael. Ka ngjarje që nuk mund të shmangen askund në botë” .
