Në Zvicër është luajtur një ndeshje shumë argëtuese mes Luganos vendas dhe Fenerbahçes që drejtohet tashmë nga Jose Mourinhon. Fenerbahçe fitoi 4:3 falë tregolëshit të Edin Xhekos, ndërsa për ekipin vendas gjeti rrjetën edhe mesfushori Uran Bislimi, i cili dy vite më parë vendosi të linte Kosovën për t’iu bashkuar kombëtares së Zvicrës.
Goli i mesfushorit që braktisi Kosovën për Zvicrën nuk ndal dot Mourinhon!
Ndeshjet e para të turit të dytë të Ligës së Kampioneve kanë dhuruar rezultate interesante me futbollistë shqiptarë si protagonistë në fushën e lojës.
Qazim Laçi ka qenë sot për herë të parë kapiteni i Spartës së Pragës, në ndeshjen ndaj Shamrok Rovers që nisi rrugëtimin e skuadrës çeke në kompeticionin më ë rëndësishëm për klube në kontinent. Sparta e Pragës fitoi me shifrat 2-0 ndeshjen në transfertë, teksa Laçi luajti pak më shumë se një orë, ashtu si edhe Indrit Tuci i cili ishte gjithashtu titullar e më pas i la vendin Ermal Krasniqit.
REZULTATET
Bodo/Glimt-RFS 4-0
FK Panevezis-Jagiellonia 0-4
Linkoln Red Imps-Karabak 0-2
APOEL-Petrokub 1-0
Malmo-Klaksvik 4-1
FCSB-Makabi Tel Aviv 1-1
Dinamo Kiev-Partizan Beograd 6-2
Ferencvarosh-TNS 5-0
UE Santa Koloma-Midtjylland 0-3
Lugano-Fenerbahçe 3-4
Shamrok Rovers-Sparta Pragë 0-2
